Bruk av sosiale medium i undervisning

I samband med IKT - studiet har vi fått i oppgåve å planlegge eit undervisningsopplegg der elevane skal bruke eit digitalt sosialt medium. Eg har valt å ta utgangspunkt i eit sikkert velkjent opplegg som elevar tidlegare har skrive manuelt. Dette vil eg no sjå om det lar seg gjere å gjennomføre på data. Fint viss du har tid til å lese gjennom opplegget og evt kome med tips om forbetringar!

PLANLEGGINGSDOKUMENT FOR UNDERVISNINGSOPPLEGG MED BRUK AV SOSIALE MEDIUM


Kommentar:

I dette plandokumentet skal eg lage eit undervisningsopplegg som passar på ulike nivå i både engelsk og norsk. I mine døme vil eg ta utgangspunkt i norskfaget, men eg tar med kompetansemål frå både norsk og engelsk for å vise at det vil fungere i begge fag. Kompetansemåla er frå læreplanen slik den ligg føre no før dei nye høyringsutkasta evt vert vedtatt.


Klassetrinn: VG1 og VG2 Yrkesfaglege studieretningar

Tid: 1 undervisningsøkt (90 min.)
Utstyr: VG1: alle elevar har berbar PC med Internettilgang

VG2 datarom på skulen med nettilgang (hausten 2010 vil alle VG2 og ha berbar PC)

Kompetansemål:

Norsk:

”Skriftlige tekster:

• bruke et bredt register av språklige virkemidler i egen skriving, i skjønnlitteratur og sakprosa, på bokmål og nynorsk

• skrive tekster i ulike kreative sjangere

• bruke datateknologien til å arkivere og systematisere tekster”

(http://www.udir.no/grep/Lareplan/?laereplanid=1001576&visning=5&sortering=2&kmsid=1001585, 12.04.10)

Engelsk:

”Språklæring

• bruke et bredt utvalg digitale og andre hjelpemidler, inkludert ettspråklige ordbøker, på en selvstendig måte

Kommunikasjon

• bruke språkets formverk og tekststrukturer i skriftlige og muntlige framstillingar

• uttrykke seg skriftlig og muntlig på en nyansert og situasjonstilpasset måte, med flyt, presisjon og sammenheng

• velge hensiktsmessige lytte-, tale-, lese- og skrivestrategier tilpasset formål, situasjon og sjanger

• skrive formelle og uformelle tekster med god struktur og sammenheng om personlige, tverrfaglige og samfunnsmessige temaer

• produsere tekster med sammensatt innhold i digitale medier”

(http://www.udir.no/grep/Lareplan/?laereplanid=122422&visning=5&sortering=2&kmsid=122430, 12.04.10)

Fagleg innhald (ressursar: bok, nett):
Denne oppgåva baserer seg på at elevane har ein bakgrunn i å vite kva ein fiktiv tekst er, og dei skal kunne fleire ulike språklege verkemiddel og kunne bruke desse i tekst. Bok: Signatur 1 og 2 (lærebok i norsk), ndla.no med tema språklege verkemiddel.

Undervisnings- og arbeidsmetodar:
Opplegg:
Klassen vert delt i grupper à 4-5 elevar. Kvar elev skal bruke det tekstbehandlingsprogrammet på internett som lærar har gitt beskjed om. (Kva program som skal brukast vil kome i konklusjonen i skriveoppgåva kring dette opplegget.)

I fronter vil elevane finne skriveoppgåva. Døme på oppgåve i norsk:

”Sjøen ligg spegelblank, og over heile hamna kan ein høyre lyden av måseskrik. Fiskebåtane er på veg mot land, og nokre turistar hoiar og skrik i ei jolle.

Skriv ei novelle/forteljing som startar med sitatet over. Du skal bruke fleire ulike språklege verkemiddel i skrivinga di i dei ulike tekstane du er med på å lage."

For å avgrense kor langt/mykje kvar elev skriv, skal lærar ta tida og gi beksjed når elevane skal bytte til neste tekst. Ein kan berekne ca 2 min på skriving pr runde. Etterkvart som elevane har skrive ein del, må det leggjast til tid pr runde til å lese gjennom teksten før dei kan skrive vidare på den.

Lærar avgjer når skriveoppgåva skal avsluttast og gir klassen beskjed når dei må skrive avslutning på den teksten dei skriv på.

Vurdering:

Denne skriveøvinga vil ikkje få vurdering med karakter. Meininga er at elevane skal øve seg i å få bruke noko av det dei har lært om sjangerkrav og språklege verkemiddel. Av erfaring veit eg at den manuelle varianten kan resultere i morosame og svært kreative tekstar. Ein merkar fort kven som klarer å lage ein samanhengande tekst og kven som slit med å skrive under tidspress.

Elev - lærerforutsetning:

Elevforutsetning:
Vite sjangerkrava til novelle og forteljing.
Kunne bruke fleire ulike språklege verkemiddel, t.d. metafor, samanlikning, allusjon, adjektiv (positive og negativt ladde ord)

Lærarforutsetning:

Gått gjennom sjangerkrav til novelle/forteljing i klassen.
Gått gjennom språklege verkemiddel.
Vist elvane korleis det sosiale mediet fungerer og sjekka at dei beherskar det før skriveøvinga startar. Sjølvsagt må lærar kunne dette før elevane set i gang.